23 oktyabr 2025-ci il tarixində Fairmont Baku Otelində SBC Avtomatlaşdırma Sistemləri Sənaye və Ticarət A.Ş.-nin Azərbaycan Respublikasındakı filialının 15 illik yubileyini qeyd etdik. Dəvətimizə Azərbaycan və Türkiyədən sahə nümayəndələri, deputatlar, iş dünyasının tanınmış simaları, QHT nümayəndələri və media işçiləri qatıldı.

​

Tədbir Azərbaycan və Türkiyə milli marşlarının səsləndirilməsi ilə başladı. Daha sonra SBC Avtomatlaşdırma Sistemləri Sənaye və Ticarət A.Ş.-nin Azərbaycan nümayəndəliyinin müdiri cənab Serkan Kamer iştirakçıları salamlayaraq şirkətin 15 illik fəaliyyəti haqqında məlumat verdi. Kamer, SBC Avtomatlaşdırma Sistemləri-nin Azərbaycanda həyata keçirdiyi mühüm layihələrdən, əldə etdiyi uğurlardan və ölkəyə verdiyi töhfələrdən danışdı.

​

SBC Avtomatlaşdırma Sistemləri Sənaye və Ticarət A.Ş.-nin Baş Direktoru cənab Mustafa Dəgirmənci çıxış edərək qonaqları salamladı və Azərbaycan xalqını Qələbə Günü münasibətilə təbrik etdi. Mustafa Dəgirmənci, şirkətinin Azərbaycanda əldə etdiyi uğurlardan qürur duyduğunu bildirib və gələcəkdə daha böyük layihələr həyata keçirməyi hədəflədiklərini ifadə etdi.